TRONCA 2015

Buen tizón, buen varón... Ya tenemos aquí la Tronca un atro año!

https://www.facebook.com/events/1067274049979184/

Despertafolk! X Trobada dels territoris de la Corona d'Aragó

Documental AMBISTAS/ANVISTAS en la Universitat de Barzelona

Tos combidamos a o pase d'o documental AMBISTAS/ANVISTAS de Iris Bandrés sobre a situazión d'a lengua aragonesa que se i fará iste biernes en a Universitat de Barzelona. Presentará l'auto José Enrique Gargallo, Profesor Titular de Filolochia Romanica y i serán presens en a mesa redona Iris Bandrés, María Pilar Benítez y Manuel Marqués.

Tos i esperamos!

AMBISTAS/ANVISTAS
Ambistas / Anvistas és un documental produït per l’Asociación Cultural O Trango, amb la col•laboració de Bonapassa, que intenta apropar-se a la situació i perspectives de futur de la llengua aragonesa a través de la veu dels seus protagonistes.
Palants natius, neoparlants, estudiosos, artistes, escritors…, repasen els últims 40 anys de treball per l’aragonès per ensenyar-nos quins són els passos que s’han donat fins ara i que queda per fer encara per garantitzar la supervivència d’aquesta llengua.

IRIS OROSIA C. BANDRÉS
Osca, 1989. Compromesa amb l’aragonès, ha organitzat i coordinat, amb diferents col•lectius, activitats relacionades amb la llengua. Professora de la Asociación Cultural O Trango d’on ha estat presidenta entre 2009 i 2013.
Diplomada en Magisteri en Educació Musical i llicenciada en Humanitats per la Universidad de Zaragoza on també va obtenir el Diploma de Especialització en Filologia Aragonesa. Al 2013 va coordinar, junt amb J. I. López Susín, El aragonés en el siglo XXI i és autora de diferents articles en prensa. Accèssit a la categoria de Narrazión Curta del I premi literari O Reino d'os Mallos.
Guionista, traductora i directora del documental Ambistas/Anvistas, sobre la situació i perspectivas de futur de la llengua aragonesa. Actualment és membre del Grup d'Investigació ELLIJ de la Universidad de Zaragoza.


Biernes 13 de nobiembre, 19:30 oras. 

Universitat de Barcelona

Gran Vía de les Corts Catalanes, 585

Aula Capella.

Presentazión d'os cursos d'aragonés 2015-2016

Con l'agüerro empezipiamos un atro curso d'aragonés, y ya en ban 18. Os mayestros y alumnos empezipian a coordinar-se y bi a rebolizio discutindo as autibidaz que se desembolicarán, y parando a presentazión. 

Iste año se'n ferán dos, de presentazions. A primera estará  a ras 19:30 d'o diya 6 d'Otubre en l'Aula Capella, de la Universitat de Barcelona, grazias a o refirme de José Enrique Gargallo (Profesor Titular del Dept. de Filologia Romànica de la UB). A segunda presentazión estará en o Centro Aragonés de Barcelona, a ras 19:30, d'o diya 13 d'Otubre.

Contamos tamién con a presenzia de Lluís-X. Flores Abat y con l'autuazión mosical de Kike Ubieto. 

Tos asperamos!

O Corrinche

Chornadas en Tarragona sobre las lluengas d'Aragón y la identidat

El cabosemana del 27 y 28 de chunio se ba zelebrar en Tarragona as chornadas A la Franja i als Pirineus, tots i totes dempeus! Istas chornadas, una colaborazión entre O Corrinche y el Casal Popular Sageta de Foc, ban ser una oportunidat pa charrar de las lluengas propias d'Aragon y la relazión entre lluenga i identidat.

El dia de biernes se ba dedicar a la Francha; ba acudir Loli Gimeno, miembro de l'ASCUMA (Associació Cultural del Matarranya), pa charrar de l'autualidat de la luenga catalana en Aragón. Maguer la suya analisis ba estar prou negatibo, tamién ba indicar bels motibos d'esperanza, como que l'uso a de las nuebas tecnolochías como Whatsapp u Facebook han feito que es franjolins s'acostumen a empllegar la suya lluenga tamién pa la comunicazión escrita. En representazión de la cultura en catalán en Aragón, bi eba present tamién la exposizión Desideri Lombarte: Ataüllar el món des del Molinar, obra tamién de l'ASCUMA.

O sabado 28 de maitins, las chornadas se ban zentrar en la luenga aragonesa. Bels miembros d'el Corrinche ban fer una presentazión sobre la istoria y l'autualidat de la nuestra lluenga, con l'aduya de la exposizión l'Aragonés, luenga biba. Una de las concllusions prenzipals ba ser que las iniziatibas mosicals en aragonés han estau un d'es motors de bisibilizazión y dinificazión de la lluenga. Rematada la charrada, ba ser prezisament una d'istas iniziatibas –o grupo de mosica popular Chuntos!-- que ba amenizar un bermut mosical en el casal y que ba fer una chicorrona autuazión en la Plaça dels Nazarens.

Finalment, á la tardi, se ban repllegar las concllusions de las dos charradas anteriors en un debate ubierto sobre luenga y identidat. La dibersidat d'opinions que se i ban ascuitar ba contrimostrar que es elements que puen contribuyir á definir una identidat son muito dibersos. Por exemplo, un proyeuto politico y sozial –como el Consello d'Aragón— puen pllegar a chuntar diferents grupos linguisticos en una mesma identidat. Por esgrazia, bi ha pocos exempllos de proyeutos que combinan la esfensa de dibersas reyalidaz linguisiticas con un proyeuto d'alliberazión sozial; puet estar que el de Rojava siga un d'es más esperanzadors. En tot caso, una ideya recurent ba ser que las identidaz son elasticas, y que pa esfender-las cal mirar de respeutar las suyas diferents manifestazions y capas: cal saper compachinar, por exemplo, el respeuto per la unidat d'una luenga y la norma linguistica con el respeuto per es bariants llocals.

Antismás de rezentar la reyalidat llinguistica aragonesa en Tarragona, ista iniziatiba ba serbir pa cuestionar nozions preconzebius sobre la identidat, y ba meter en contauto chent con opinions diferents sobre ista cuestion en un contesto de debate amablle. Querem dar las grazias ta la chent d'el Casal Popular Sageta de Foc per la suya aduya y las suyas contribuzions, y asperem poder partizipar en más iniziatibas parellanas!

Chornadas sobre las lluengas d'Aragón en Tarragona

El cabosemana del 26 i 27 de chunio, baixem ta Tarragona! Tos i esperem!

Remate d'as "Chornadas sobre Irlanda, lengua, mosica y cultura"

O biernes 12 rematón as “Chornadas sobre Irlanda, lengua mosica y cultura”, organizatas por a Colla de Charradors o Corrinche en colaborazión con a Universitat de Barcelona y o Centro Aragonés de Barcelona.

Os actos d’o biernes empezipión con a charrada de King Sweeney en l’edifizio Josep Carner d’a Universitat de Barzelona. Sweeney dio una bisión de diferens aspeutos d’a lengua irlandesa: os suyos orichens, istoria, estructura y mesmo a situazión sozio-lingüistica autual y perspeutibas de futuro.

O irlandés forma parte d’as lenguas d’orichen zeltico, y en l’autulidá tiene alto u baixo 40000 fablans, distribuyius en tres zonas prinzipals en a costa oeste d’Irlanda. Esiste un sistema d’escolarizazión en o que a lengua beicular ye l’irlandés, a libel d’amostranza primaria y bachillerato. A lengua ye presén en meyos de comunicazión y en a siñaletica. 

Seguntes Sweeney, a lengua tiene considerazión, mayormente entre a chen choben, pero ixo no quita que a presión de l’inglés contine fendola una lengua con pocas proyeuzión en o terreno sozial y profesional, situazión que seguntes o que escribe istas ringleras, posiblamén siga disglosica y remate en un prozeso de sustituzión lingüistica de l’irlandés por l’inglés. 

A la presentazión de Sweeney siguié un turno de preguntas, en as que en muitos casos se fazión cotimparanzas con a situazión soziolingüistica d’a lengua aragonesa y d’o suyo esdebenidero, más escuro que o d’o irlandés: sin d’amostranza en as escuelas, sin bisibilidá en meyos de comunicazión ni en programas educatibos, y con a transmisión chenerazional crebando-se. 

Asistens a la chornada en a terraza d'o edifizio Josep Carner d'a
Universitat de Barcelona

Manimenos, a la fin d’a charrada os asistens y organizadors puyón de buena gana ta ra terraza de l’edifici Josep Carner ta fer-se una foto de grupo. Astí remeramos que chuntos estabanos tamién fa un año en ixe puesto zelebrando a trobada “L’aragonés güé”. Dimpués, y de buen implaz, os asistens marcharon a zenar ta o Centro Aragonés de Barcelona. En rematar a zena, Mark Duffy dirixié a beilata mosical. Astí se cantó en irlandés, en inglés, y tamién en as tres lenguas d’Aragón. Uno d’os momentos más emotibos estió cuan Mark Duffy cantó “La quinta brigada”, tema en inglés que remera a os brigadistas irlandeses que luitón con os republicans cuentra o fascismo.

Apunte breu sobre a conferenzia: "El entramado actual de las letras aragonesas (reflexiones sobre la autonomía de la literatura)"

O biernes diya 5 de chunio, miembros d’a colla de charradors O Corrinche, acudimos ta la conferenzia: “El entramado actual de las letras aragonesas (reflexiones sobre la autonomía de la literatura)”, de María Angeles Naval, profesora del departamento de filolochía española d’a Unibersidá de Zaragoza. 

Dimpués d’introduzir o contesto cronoloxico, dende os años 80 dica l’autualidá, Naval rezentó con muito detalle as diferens estruturas editorials y de difusión d’a obra literaria feita por aragoneses, asinas como as tematicas y cheneros. Se i remarcó a figura de Ramón Acín y o suyo papel en a edizión de rebistas literarias, asinas como o papel d'a Instituzión Fernando el Católico, y mesmo que as figuras de muitos escritors aragoneses, como por exemplo a Félix Romeo, Soledad Puértolas, José Luís Corral o Ismael Grasa.

O turno de preguntas estió prou largo y ubrió un debate intresán cuan l’audienzia manifestó que, en charrando de letras aragonesas, ye menester charrar tamién de letras en catalán de Aragón y en aragonés, mayormente cuando istas han dau una obra literaria de calidá y bolumen sinificatibo en o periodo considerau. Ta isto, y en primeras, a ponente se desincusó argumentando que o tetulo d’a conferenzia no yera prou esplizito; t’adibir dimpués que que as zonas an se i charran ixas atras lenguas son chicotas en estensión, y que tamién lo ye o numero de chen que las charra, razons por as cuals ni esiste ni cal asperar un desembolique literario como el que experimenta a literatura española en o país. Atras cuestions que se planteyaron tenión como tema as dotazións y numero de premios literarios y a nezesidá y la salú d’as ferias de libros en Aragón, como a Feria de Monzón.

A la fin, una parte de l’audienzia marchó contenta de biyer como Aragón se desembolica a saberlo bien en terminos de literatura española, aunque a muitos nos quedó a basemia ixa que en charrando de letras en Aragón, un profesor d’unibersidá excluya a dos d’as lenguas propias d’ixe país. Mayormente cuando istas lenguas son minoritarias y amenistan protezión.

Cronica de "San Chorch": un diya en aragonés en a capital catalana

Os diyas 24 y 25 d’Abril zelebremos o 1er “St. Chorch’s, Aragon day”, con a proyezión de documentals, una autuazión teyatral y autuazions mosicals dibersas. O diya 24 se metió en Can Basté a esposizión d’Esther Naval:  Nabateros en a Zinca, o río ye camin. Tamién se pasó o documental Bergantes: lo riu menut, ta o que siguió un ratet de debate sobre a situazión de ixe rio, as autuazions que son posibles, y de como afeutarian a las chens d’a redolada.

O puesto d'os quesos d'a sierra de Guara, con Antonio fendo benta

L’autibidá zentral d’o diya 25 estió a feria Etiquetau, de produtos aragoneses. A feria se plantó en l’espazio d’a plaza de can Basté. Ta era bi acudión una selezión de produtors aragoneses: Quesos d’a sierra de Guara; bins de semontano y Teruel; sabón de Boltaña, El Druida; pacharán El Ordersano; güegos ecoloxicos de Monzón, d’a marca Güego; embutidos de Graus, de Melsa; cucharas de buxo d’a Espuña, y tamién chambretas y atro merchandising en lengua aragonesa, trayiu por Chambretas.es. Ta quitar a sed, bi abié dos barras: a d’a bieras Ordio minero, de Teruel; y a d’a biera Rondadora, de Sobrarbe. A más de tot isto, bi eba a caseta de libros d’o Rolde Aragonés de Barcelona.

O Grupo de Tambors d''o CAB

A ras onze d’a mañana ya yeran toz os tenderetes paraus, o Sol s’ubriba paso, mesmo que o Grupo de tambores y bombos del Centro Aragonés de Barcelona. Con o rebolizió acudió tamién firme chen, que en ixa polida mañana de sabado se feban a gambadeta con a familia o biniban d’o mercau. A meyodía empezipió o bermú mosical, amenizau por as cantas de: Kike Ubieto, El Sobrino del Diablo, y tamién Virgilio Aljama (Escoria Oriental). Dimpués, metiemos mesas y sillas en a plaza ta chentar o menú: ensalada, pollo a la chilindrón y yogur de Fonz.

Por a tardi continó a catafila de chen besitando os puestos y crompando isto aquí, ixotro astí. Entre as chens que beniban en abeba que teneban orixen aragonés, atros bel parién, y o que menos bel recuerdo de biaches por as tierras d’Aragón. En cualsiquier caso, bi abié difusión d’a esistenzia d’a lengua, y os besitans tamién s’amanaron ta os panels d’a esposizión L’aragonés: lengua biba.

Manuel Marqués presentando a Iris Campos Bandrés

A ras zinco d’a tarde empezipió l’autuazión d’o grupo de teyatro Poetián, qui representó testos clasicos de l’aragonés ribagorzán, y interpretó mosicas tradizionals. A sala yera a rebutir y Poetián salíé d’era ta tornar a dentrar pa continar rezebindo una gran cantidad de palmas. Más tarde, se pasó o documental Ambiestas/Anvistas, dirixiu por Iris Campos Bandrés, y que esplica a eboluzión d’a lengua en os ultimos 50 años. Estió Manuel Marqués qui nos presentó a Iris Campos Bandrés, qui mos fazié tamién una chiqueta introduzión t’o documental.

A ras güeito remató a feria Etiquetau, y una bez zenaus, y dentrando a meya nuei, podiemos bailotiar y cantar con Los Jaques de la Sierra y Chundarata. Dos autuazions sobrebuenas, con letras en aragonés, castellán y catalán; y estilos mosicals tan bariaus como o vals, o corrido mexicano, polkas o jotas.

En istos diyas tan espezials, a canto d’a festibidá de San Chorche, emos quiesto amostrar en a ziudá en a que bibimos, Barcelona, que a identidá aragonesa contina biba, a penar d’o que os gubiernos español y aragonés fan y dixan de fer por acotolar-la. 

Corrinche y Rolde partizipan en A diada de Sant Jordi

Uno d'os intes de masima afluenzia, arredol de meya tarde

Un año más, O Corrinche y o Rolde Aragonés de Barcelona han partizipau en a diada de Sant Jordi metendo un puesto de benta de libros.

Iste año a situazión d'o puesto de benta ha estau pribilechiada, chusto debán d'o Gran Teyatro d'o Liceu. Por ixo, o por a gran cantidá de chen que pasó por as Ramblas, iste año s'ha feito record de bentas, con más de 100 exemplars bendius, mayormente en lengua aragonesa.

Tres autors en lengua aragonesa, afincaus
en Catalunya; de izquierda enta
 dreita: Arbués, Castro, y Lamora

O best seller en aragonés ha estau o poemario "Mustang", de Alberto Lamora Coronas, qui estió presén firmando exemplars. Atros escritors aragoneses que se trobón firmando libros estión Andrés Castro y José Arbués Possat.

En a parada se trobaron tamién libros en catalán d'Aragón, aportaus por asoziazions culturals del Baix Aragó, asinas como bels testos en lengua castellana. Cuentez, poesia, nobela, historia, comic ... que millor regalo ta un diya de primabera que un libret!

Resultaus de la rifa de las chornadas de San Chorche

O sabado pasato, en direuto a las 20.30 h, y dentro de las chornadas de St Chorch's Day, en Can Basté, se zelebró la rifa de un lote de produtos aragoneses y una paletilla de pernil de Valderrobres.

Istos estioron os ganadores y os numeros premiaus:

Lote de produtos aragoneses - numero 48 - Ganador: Miquel C.
Paletilla de pernil de Valderrobres - numero 45 - Ganadora: Anna María A.

Aquí tenemos a Miquel C., goyoso ganador de o lote.
Maitín en o CAB se fará entrega de la paletilla a Anna María M. Grazias a totz por partizipar!

Feria de Produtos Aragoneses en Can Basté

Iste sabado, como parti de las chornadas de San Choch's Day que zelebramos en o Centro Cívico Can Basté de Noubarris, bi habrá Feria de Produtos Aragoneses. Se rifará un lote de produtos aragoneses. Tos i asperamos!

St. Chorch's day: Sant Chorche en Can Basté

Iste cabo semana, zelebrem la chornada de St. Chorche en 9 Barris. Toz ta Can Basté!

Mostra d'Entitats al Born

Iste sabado, 18 d'abril estiemos en a Mostra d'Entitats acompañando a ra Plataforma per La llengua en a suya campaña Jo em planto pel català. Ista mostra aculle as organizazions que representan y luitan por as diferens bariedaz lingüisticas que se i pueden sentir en Barzelona. Como de cutio, O Corrinche y os escolanos d'os cursos metemos una paradeta an trobar libros y material en aragonés y mesmo d'o catalán d'Aragón.

Dissabte 18 d'abril, de 10 a 14h.
Plaça Comercial, Barzelona

http://ocorrinche.blogspot.com.es/

http://www.plataforma-llengua.cat/que-fem/noticies/2817/aquest-dissabte-joemplanto-pel-catala-a-la-placa-del-born-de-barcelona

L'aragonés en Can Masdeu

Iste domingo, 22 de marzo, o Corrinche trayerá l'aragonés ta la mitica casa okupada Can Masdeu, situada en a Montaña de Collserola amán d'el bico barcelonés de Nou Barris. La exposizión Aragonés, luenga biba estará muntada tot el dia en el Punt d'Informació Collserola (PIC), y a partir de las 16:00 de la tardi se mostrará la pelicula ¿Por qué dixamos o nuestro lugar? y autuará el grupo de mosica popular aragonesa Chundarata!

Tos i asperem!

Programazión
¿Como se i pllega?

L'Aragonés en la University of Georgia

El zinco de marzo, Andreu Comas, miembro de la Colla de Fablans "O Corrinche", ba charrar de la lluenga aragonesa con es alumnos de filolochía de l'Unibersidat de Georgia (EE.UU.).

Ya ye el segundo año que el Profesor Timothy Gupton, espezialista en luengas iberoromanicas, combida el Corrinche á charrar con es suyos alumnos sobre l'istoria y la situazión autual de l'aragonés. Igual que l'año pasau, la cllase se ba fer per Skype, dende Barzelona ta Athens, Georgia.

Dimpués d'una chicorrona presentazión sobre la cheografía de l'aragonés y beluns d'es suyos probllemas autuals (la dialeutalizazión, la falta de conzienzia llinguistica, la espobllazión, etz.) se ba deixar un ratet pa que es alumnos fesen preguntas. Se ban mostrar espezialment sorprendius por a bergüenya que muitos d'es fabllans patrimonials tienen de la suya lluenga, y como l'amagan debán d'es esconoixius. Bale la pena remarcar que maguer que muitos aragoneses estan acostumbraus á ista situazión, dende difuera se gosa bier con sopresa y incomprensión. Se ba contrastar la penosa situazión autual de la luenga con la de l'edat meya, cuan era luenga de reis, de cultura y de l'administrazión, y se ba asenyalar el triballo d'esprestichio feito dende las escuelas como uno d'es culpablles prenzipals de la situazión autual. Es alumnos nortamericans tamién ban mostrar la suya sorpresa en saper que, maguer tener un gobierno propio, la soziedat aragonesa no ha estau capaz de normalizar la situazión d'una de las suyas lluengas propias. 

Dende el Corrinche querem dar las grazias ta el Profesor Gupton y es suyos alumnos per la suya imbitazión, y dizir cuanto mos ne fa, de goyo, que dende tan luen la chen s'interese per la nuestra lluenga. Esperem bier-mos más en el futuro!

Mapa repartiu entre es alumnos

V Calçofabla en Tarragona

El dia 14 de marzo, entre oliberas amán de las murallas romanas de Tarragona, se ba zelebrar la zinquena edizión de l'anual Calçofabla. Cada año, parixe que creixe más ista lifara: iste ha estau, de luén, l'edizión más multitudinaria d'ista calçotada feita en aragonés. Maguer bellas ausenzias notablles, i ban acudir un gran numero de militants del Corrinche, escolans d'es cursos d'aragones, simpatizants y amigos. El diya ba comenzipiar con un almuerzo chicorrón ta es boluntarios, que ban estar tot el maitín preparant es calçots, la carni, carchofas y grans cantidaz de tiramisú. Iste almuerzo ba empalmar con el bermut, que ba continar dica l'ora de minchar; el minchar se ba allargar dica que se n'eba iu el sol, y no ba rematar dica que s'esen acotolau el repertorio abitual de cantas en aragonés, catalán y belatra luenga bezina. Profés que la mezclla sedutora de minchar, cantas y calibo ba serbir ta combertir més d'uno ta la causa de la luenga aragonesa.

Dende el Corrinche, querem felizitar á nuestra anfitriona, Alizia, per una atra calçofabla esitosa, y per aber creau l'alcuentro más important d'aragonesofabllants que se zelebra en Catalunya. Esperem ser-ne-ie encara més l'año benient!

A ronda entre el fumo d'es calçots

25 Añadas Rolde Aragonés de Barzelona

RUBRIFOLKUM 2015

Arriba la cinquena edició del festival de música neo folk Rubrifolkum, un projecte creat i gestionat per l'Associació Musical Qui hi ha?. El Festival va néixer l'any 2011 per donar a conéixer les propostes de renovació de la música d'arrel que es fa al nostre País i arreu de l'Estat i apropar-la ala ciutat de Sant Boi i a la comarca del Baix Llobregat, amb l'objectiu de creat nous públics d'aquest gènere musical i enriquir l'oferta musical i cultural santboiana. El Festival segueix apostant per la programació de concerts, però també per l'ensenyament musical especialitzat a través de tallers a càrrec d'alguns dels músics que participen al Festival. Amb les Tavernes Rubrifolkum, es continua portant la vivencialitat de la música d'arrels a bars i tavernes de Sant Boi.

 

25 anys Rolde Aragonés de Barzelona

Associació fundada l’any 1988 com a entitat de l’Ajuntament de Sant Boi de Llobregat, té com a la defensa i la difusió de la cultura aragonesa i les seves llengües amb l’objectiu de canviar la imatge que sovint es té, plena de tòpics, d’aquesta terra. Entre les seves tasques ha desenvolupat activitats com cursets, exposicions, xerrades, concerts.

Als seus inicis destaquen la realització de diversos programes a Ràdio Sant Boi, Charrando d’Aragón i Camín ta fabla, o la realització del fanzine en aragonés A bespra samboyana durant més d’una dècada. Organització juntament amb el Centro Aragonés de Barcelona dels cursos d’aragonès, que amb més de 15 anys d’activitat el Curs de Aragonés s’ha convertit en una eina de cohesió i tot un símbol de resistència, tal como ho és la pròpia llengua. Va ser l’iniciador dels festivals Despetafolk!, amb entitats dels territoris de la Corona d’Aragó, i Ararock, junt amb el Centre Cívic Can Basté a Noubarris.

19:00h. Sala Polivalent de Cal Ninyo.

25 anys del Rolde Aragonés de Barzelona. 

Exposició Luenga biba sobre la llengua aragonesa i recital poètic de llengües minoritàries.

https://www.facebook.com/events/648269865318767/
20:00h. Bar de Cal Ninyo. 

Rubritaverna. Porta el teu instrument! 

(Gratuït)

22:00h. Teatre Cal Ninyo.

CONCERT MAUT (Electro Folk - Aragó)+ BALKAN ALIEN SOUND (Irlanda)
La Tierra de Biescas és un territori ric en llegendes fosques, des del mite de Santa Elena, fins el Basajaraun, senyor dels Boscos, el Puente del Diablo o els Aquelarres de La Artosa. Dins aquesta tradició de bruixeria una de les grans i recordades era MAUT de la que es deia que feia bordar a la gent d’aquestes valls com a gossos. Inspirats per MAUT músics vinguts de diferents mons del panorama musical d’Aragó, de l’electrònica, del rock i del folk més cristal·lí es van citar en aquest nou aquelarre amb la intenció de fundar un projecte i un camí nou que fusioni la tradició aragonesa amb l’avantguarda de l’electrònica més actual. El resultat és MAUT un grup nou de música radical aragonesa, neofolk i un disc l’1.0 que ens fa girar la mirada cap a nous paisatges, un bosc , tupit i verd encara per descobrir…

Preu: 6€

https://www.facebook.com/events/911837208849918/

http://www.maut.com.es/

Sabado 7 de marzo, 19:00 oras.

Cal Ninyo

C/ Major, 43
Sant Boi de Llobregat

Zincomarzada en Koitton Klub

A Zincomarzada ye una fiesta local zaragozana an que se i conmemora a calendata d'o 5 de marzo de 1838, cuan os zaragozanos ebitaron a inbasión d'a ziudá por parti d'as tropas carlistas grazias a o alzantamiento cheneralizau. Con motibo d'ista calendata se fa una lifara campestre y asabelo d'autibidaz: conciertos, bailes,...

Nusatros faremos una chornada de cultura y luita chunto con os compañers d'a Plataforma Bergantes No se toca y os amigos d'o grupo Gaire.

https://www.facebook.com/events/1565341637052645

20:30. BERGANTES, LO RIU MENUT

Documental de Uatxut Producciones sobre el conflicto sobre el rio Bergantes, el movimiento en Aguaviva desde el inicio de la protesta por la proyectada presa en el río Bergantes y la Plataforma Bergantes No Se Toca  a lo largo de un año. Los testimonios de las y los vecinos de Aiguaviva, responsables de la Confederación Hidrográfica del Ebro, alcaldes de los municipios afectados y expertos en ingeniería y medioambiente ponen de manifiesto el poco rigor con el que se pretende solucionar un supuesto problema de seguridad que se suma a la creciente necesidad de agua en pleno debate del trasvase del Ebro.

https://www.youtube.com/watch?v=ybk_inA8Q1k
http://elbergantesnosetoca.blogspot.com.es/

21:30. GAIRE

Largo y Luen’, en castellano ‘Largo y lejano’, así titula la joven banda Gaire su EP debut. Pero lo cierto es que ni es largo ni lejano. 6 canciones que saben a poco y grabadas, como viene siendo habitual entre la gente de bien, en el subsuelo de Zaragoza. Lejos de las ratas y cerca de los sueños. Gaire nos presentan un álbum íntegramente en aragonés, con  temas íntimos para no perder la costumbre, sonidos rejuvenecidos gracias a las últimas y diversas experiencias de sus integrantes (Déchusban, Prau, Visión Túnel o Rouille).

https://largoyluen.wordpress.com/
https://www.facebook.com/events/1618985328317062
https://www.youtube.com/watch?v=RsJsIgrAVTg&feature=youtu.be

Chuebes 5 de marzo, 20 oras
Koitton Club

Rosend Arús, 9
08014 Barzelona

O Corrinche en a I Trobada de fablans de l'aragonés de Biscarrués

O zaguer dia 28 de febrero, acudimos una cuadrilla d'o Centro Aragonés de Barcelona ta Biscarrués ta ra I Trobada de fablans de l'aragonés.

Primeramén, mos achuntemos en o café A Barbacana, an dimpués d'a presentazión de cadagún de nusatros, comenzipiemos una gambadeta por o camín d'o Soto de Galligo dica l'achuntadero d'o barranco de Baduello. Allí nos amostrón: as nabatas, rastros de bichos como chabalíns y melons; camins nueus ubiertos en o canto d'o río; matas y arbols. Tamién o puesto an estarba l'entibo de Biscarrués, contra o cual ya fa 28 añadas que son en luita ta que no se faiga. En iste inte, a construzión de l'entibo agun no ye emprenzipiata. Rematamos fendo-nos una foto de conchunto y prebando o pernil y o bin d'o lugar, dimpués de besitar a Ruta d'a Piedra. En ista ruta se puet bier siñals en as puertas d'as casas, y se pasa por a ilesia d'o lugar.

Ya chentaus, ascuitemos a mosica interpretada por Virgílio Aljama y Alberto Lamora. Por a tardi, y bien descansaus, acudimos ta una charrada sobre os animals d'a Galliguera feita por José Antonio Cuchí. Á continazión se fizo a presentazión d'o libro Pedro Arnal Cavero: Somontano en Alto. Escritos (1946-1959) e inéditos, editau por Alberto Gracia Trell, d'Aladrada Ediciones (2014). A chornada remató con una zena de Salmorejo, an se consolidón os binclos entre os fablans benius no solo que d'Aragón, sino tamién de Cataluña y Nabarra. Isto contrimuesta a bitalidá d'os ligallos aragoneses aíntro y fuera d'Aragón.

Dende istas ringleras, os corrinchaires d'o Centro Aragonés de Barcelona felizitamos á os organizadors por o suyo triballo en esfensa d'a luenga.

Es asistens, entre es cualos bels corrinchaires

Alas sucarradas

 Articlo de Pepe Lera amaneixiu en lo numero 31 de la revista Bisas de lo Subordán, de Val d'Echo.

Presentazión de "Historietas d'un lugar d'as Cinco Villas"

O propasau diya 30 de chinero se fazié en o Centro Aragonés de Barcelona a presentazión d’o nuebo libro de José Arbués Possat “Historietas d’un lugar d’as Cinco Villas”. A sala Joaquín Costa, cuasi plena, aloxó  a 75 presonas, entre as cuals muitos fuencalderenses y deszendiens d’ixe lugar, pero tamién una representazión d’amigos y personalidaz, como por exemplo José Lera Alsina y José Enrique Gargallo (Universitat de Barcelona).

De izda. a dta.: Arbués, Barón y Usón

Estió o presidén d’o CAB qui ubrió l’auto remarcando o feito que dende que ye presidén (2014) ya s’han presentau en o CAB tres obras escritas en aragonés: a d’Anchel Conte, con “Luna que no ye luna”; a d’Alberto Lamora, “Mustang”; y ista zaguera de José Arbués. Isto endica a bitalidá d’a diaspora aragonesa en Catalunya y o suyo compromiso con as suyas radizes.

Interbinié a continazión l’editor, Chusé Raúl Usón (Xordica Editorial), qui a más de remarcar os binclos d’amistá con l’autor, chustificó a contribuzión que representa a obra de José Arbués a la cultura aragonesa. Dentrando en as "historietas", surayó como una d’as suyas balguas o feito que ye l’unico texto en barián dialeutal de l’aragonés que se emplega en as Zinco Billas. Ista ye emparentada con as de l’aragonés ozidental, ansotano y cheso. Tamién que, por a estrutura d’o conteniu, más de doszientos relatos curtos, o libro ye una aduya fundamental pa aprender l’aragonés. L’editor leyé una selezión d’istorietas, discutindo detalles lingüisticos, pero tamién pa ilustrar o conteniu tematico, dando exemplos d’aspeutos istoricos y etnograficos; y ta comentar o chenero, que tiene mesmo clabe d’humor como de crudeza reyalista. 

José Arbués se zentró en os aspeutos particulars de motibazión y elaborazión, endicando que o material alazetal estioron testimonios y bibenzias propias, replecadas y escritas en os zaguers 50 años. Arbués rezentó tamién a ebolución sozio-lingüistica de Fuencalderas, y o proceso de sustituzión de l’aragonés por o castellán. 

O publico fazió muitas preguntas y aportazions y, a petizión, l’autor interpretó dos istorietas, lebando a o público a boz d’os suyos antepasaus y o  soniu d’o biello aragonés de Fuencalderas. 

L’auto se zarró con as parolas d’o presidén d’o CAB, espresando o deseyo que se faiga a prezisa recuperazión d’o patrimonio lingüístico d’Aragón. 

Sanantonada 2015

Un año más, ha pllegau San Antón! Toz ta'l Cazataire!