Parolas en caída libre

Cronica curta sobre o Seminario 1 

Ziclo de Seminarios Sobre Lengua Aragonesa

O 30 de chinero se fazié en a biblioteca d’o CAB, puntualmén y seguntes o programa, o seminario “Lo Cheso (variant de referencia de l’aragonés)”.  Bi acudión 14 partizipans, mayormente alumnos y mayestros prozedens d’os cursos d’aragonés del propio CAB. 

José Lera Alsina estruturó os contenius con imaxinazión y nos los ensiñó con su l'apasionamiento que le sabemos quiens le conoxemos. Cuan plegó, l'inte conbidó a la partizipazión, atendié cuestions, y promobió o debate y as discusions. 

En primeras Lera nos amanó ta “Lo Cheso” por meyo de la literatura y d’a mosica, fendo oserbazions lingüisticas pero tamién culturals chenerals. Dimpués d’a comida conchunta y de tornada ta o CAB, Lera afundó muito más en temas lingüisticos propios de “Lo Cheso”: morfolochía, grafías y su eboluzión y soluzions ... y terminó argumentando a interpretazión etimolochica documentada d’o toponimo “Echo”. 

Una chornada intensa con a que os partizipans han bisto reforzau o binclo con a lengua y a cultura aragonesa, y en particular con a cultura y a lengua d'a Bal d'Echo.

O seminario, en a Biblioteca d'o CAB: Pepe Lera, de piet, mos ilustra sobre "Lo Cheso"