Tronca 2013

Acude ta ra Tronca!

O biernes diya 20 d'abiento, 

Buena lifara y buen baile

Andrés Castro, Chundarata y "Aragonés, luenga biba" en as Chornadas de Cultura Popular de Sant Boi

Iste cabosemana, biernes 22 y sabado 23 de nobiembre, se zelebran as Primeras Chornadas de Cultura Popular de Sant Boi en Can Barraquer, con tallers, esposizións, mosica y atras autibidaz culturals.

Dende O Corrinche y o Centro Aragonés de Barcelona aportamos a esposizión "Aragonés, luenga biba", que se podrá besitar del 22 al 30 de nobiembre.
Antimás, Andrés Castro partizipará en a mesa redonda y bi abrá una autuazión d'o grupo Chundarata.

Aquí tenez o cartel d'a programazión (fer clic pa beyer-lo más gran).

Museu de Sant Boi - Can Barraquer
Carrer del Pont, 7
Sant Boi de Llobregat

Biernes 22 y sabado 23 de nobiembre

21 Cabodaño d'a Carta europeya d'as luengas rechionals u minoritarias

A Carta Europeya d'as Luengas Rechionals u Minoritarias ye un tractau europeo (CETS 148) preso en Estrasburgo o 5 de nobiembre de 1992 ta ra esfensa y promozión de totas as luengas d'Europa que careixen de ran d'ofizialidá, u que mesmo estando ofizials en belún d'osfirmáns no'n son en atros, u que estando ofizials en o siñal ye en manifiesta febleza.

Con motibo d'a zelebrazión d'o suyo 21 cabodaño, o diya 5 de nobiembre faremos un auto a ras 20:00 en o Centro Aragonés de Barcelona, an que tamién combidamos a representans d'atras lenguas europeyas en periglo.

Ista ye a programazión: 

- Leutura a cargo de Andrés Castro (aragonés), Giacomo Floris (sardo) y Pablo Valenciano (asturiano)

- Brenda y sesión de mosica n’aragonés por Dj.Gurrión.

Martes 5 de nobiembre, 20:00. Sala Pradilla

Centro Aragonés de Barcelona
Joaquín Costa, 68
Tel 93 317 58 54
http://www.centroaragonesdebarcelona.org/

A lectura d'o Prenzipet en a fiesta de La Mercè

     O pasau día 21 de setiembre se combocó una lectura colectiba, como dende bels años biene organizando la Associació d'Amics del Petit Príncep en Barcelona. A ixa lectura fuoron combidaus diferens asoziazions y grupos representans d'as numerosas lenguas en que ye traduziu O Prenzipet, entre ellas l'aragonés, representaus por bels miembros d'a colla de charradors O Corrinche.

     Se fazió a lectura d'a dedicatoria d'o libro en o zarpau de lenguas que i yeran aplegadas, mesmo belunas dos y tres begatas, debiu a tratarse de distintas agrupazions en esfensa de cadaguna d'as lenguas astí zitadas. Nusatros leyimos en zinqueno puesto, bien luego. Alba nos regaló a sonoridá tan quiesta y caracteristica d'a nuestra fabla aragonesa, fendo una lectura polidisma. Nos i quedemos dica que remató l'acto, y podiemos desfrutar de idiomas y sonoridaz como lo coreano, chaponés, chino, urdú, brasileño, polaco, arabe, noruego, euskera, italiano, inglés y franzés, profés!, y d'atros muito curiosos como lo castulo u o migaña, una traza de lengua d'ofizios imbentada en a probinzia de Guadalajara con a fin de que no se'n enterasen os bezins d'ixe y d'atros lugars d'o que yeran rezentando. Tamién quereba fer una remeranza á ixos idiomas chirmans d'a Peninsula Iberica naxius d'a mesma mai, o latín, que tamién i estió presén, como l'asturiano, gallego, castellano, portugués, catalán u aranés.

      A lectura estió "amenizada" por o eszenario zentral d'a Plaça Catalunya, primero con un grupo de gospel de bellas 50 personas y dimpués por una orquesta de música sardanista, cosa que fazió un poqué defízil a lectura. Asperamos que l'añada benién tiengan en cuenta iste feito y no se solapen as actibidaz. Dimpués de leyer cadagún en o suyo idioma, se fazió una lectura colectiba, a traza de "Torre de Babel" entre toz os que i partizipemos.

     Asperamos que l'añada benién nos tornen a combidar, cumplindo o nuestro proposito de conoximiento y espardidura de l'aragonés en Catalunya, tratando de creyar conzienzia entre a colonia aragonesa que aquí bibe ta que se i adiba á la nuestra propuesta d'esfensa y superbibenzia d'una traza cultural importantisma tan propia d'Aragón como ye a suya lengua. Y d'atro costau, mostrar y presentar á os catalans y demás abitans d'iste país a esitenzia y problematica d'una lengua, a nuestra, ferida de muerte debán d'a indiferenzia y a falta de politicas actibas d'a Alministrazión Publica Aragonesa, sisquiera por meyo de bella lai que en beras sirba ta rescatar-la d'o suyo estau terminal y no como ye fendo l'actual Ley de Lenguas, ta clabar-le "a puñalada de grazia" y firmar a suya defunzión.

CICLE VEÏNS a Caldes de Montbui

Iste cabosemana, o sabado 15 de chunio, comenzipia o CICLE VEÏNS en El Centre, Caldes de Montbui, con una primera edizión dedicada a la cultura aragonesa.

Programazión:

19.00 h: Pelicula documental “Por qué dixamos o nuestro lugar?”

Guión y direzión: Carlos Baselga

19.35 h Presentazión d'a esposizión “L'aragonés, luenga biba” a cargo de O Corrinche.

20.30 h Conzierto con CHUNDARATA

Tenez más informazión en http://cicleveins.blogspot.com.es/

PIRINEOS, CAMÍN DE LENGUAS. Chornadas arredol d’as luengas pirenaicas

Pirineus, camí de llengües/Pirenèus, camin de lengas/Pirinioetan, hizkuntzen bidea

Con motibo d'a zelebrazión d'o 15 cabodaño d'os cursez d'aragonés organizaus por o Centro Aragonés de Barcelona, dende O Corrinche ímos programau un conchunto d'autibidaz os diyas 7 y 8 de chunio que queremos compartir con atras luengas, ixas con as que compartimos l’espazio común d'os Pirineos: o catalán, l’oczitano y o basco.

Ista ye a programazión:

BIERNES 7 

Charrada “Pirineu, camín de lenguas”.

19:30. Aula 0.1 UB (Entrada libre)

O Pirineo ha estau de cutio un puesto de paso, de frontera, de “muga”; pero tamién de trobada. Ha estau refuxio de culturas que han permitiu o desembolique de lenguas diferens. Con ista charrada queremos trobar-nos en tot ixo que nos ye de conchunto y nos afeuta d'a mesma traza. Faremos una güellada a ra situazión autual d’istas lenguas que s’han charrau anzestralmén, y que encara se charran en o Pirineo, a pesar de sufrir a enrestida d'as lenguas bezinas más fuertes. Con a participazión de: J.Enrique Gargallo, Itziar Aduriz, Josep del Rio, Aitor Carrera, Natxo Sorolla y Xavier Tomás.

Zena d’alumnos y ex-alumnos d’aragonés.

22:00. Sala d’actos CAB (Menú 20€)

Sobremesa con Carles Belda.

00.00. Sala d’actos CAB.

"Els Pirineus segons el Català de la Manxa" (Entrada 5€)
Polifacetico acordonista de diatonico y de trikitixa basca. Ha formau parte de grupos como Blat Segat, Pomada, Ensaladilla So Insistent y Mesclat. Autualmén lidera o grupo El Belda i el conjunt badabadoc. Ye autor, de conchunto con Joseba Tapia, Marc Serafini y Ignacio Alfayé, d'o repertorio Pirineus editau por l’ Euskal Herriko Trikitixa Elkartea. Nos fará una gambadeta musical por os puestos d'o Pirineo.


SABADO 8


Autuazión d'o Grupo de Danzas de l’Euskal Etxea + Chundarata!

12:00. Sala d’actos. CAB (Entrada libre)

Organiza: Colla de Charradors O Corrinche.
Colabora: Universitat de Barcelona, Centro Aragonés de Barcelona, Euskal Etxea Barcelona Centre Cultural.

UB

Gran Via, 585

(entrada por Aribau)

Centro Aragonés de Barcelona

Joaquín Costa, 69

O manifiesto Sobre as lenguas d'Aragón d'o Corrinche en a prensa catalana y aragonesa

Aquí tenez enrastres y imaxens relaziondas con a publicazión d'o manifiesto "Sobre as lenguas d'Aragón" en diversos meyos de comunicazión. Agora, más que no dixar morir a nuestra boz, cal que la sientan!

El Punt Avui: http://www.elpuntavui.cat/noticia/article/7-vista/23-lectorescriu/646466-sobre-les-llenguees-darago.html

Arredol: http://www.arredol.com/sobre-as-luengas-daragon/

Tamién ha saliu como comentario a la notizia "CHA quiere llevar al Tribunal Constitucional la nueva ley de Lenguas de Aragón" del diario del Altoaragón: http://www.diariodelaltoaragon.es/NoticiasDetalle.aspx?Id=811088